Кураслеп лясны

   

       Рэліктавы лесастэпавы від, які нерэгулярна сустракаецца ва ўсіх абласцях Беларусі.

      Любіць сухія адкрытыя схілы пагоркаў, яраў, якія добра праграваюцца, расце таксама і на берагах рэк, на ўзлесках і палянах хваёвых, бярозавых,  ялова-бярозавых лясоў і ядлоўцавым рэдкалессі. Аддае перавагу багатым карбанатамі глебам.
      Кураслеп лясны не толькі здзіўляе сваёй вытанчанасцю і далікатнасцю, але і  з'яўляецца лекавай раслінай з шырокім спкктрам ужываннем. Сарваць кветку гэтай расліны - загубіць яе. Не дзіўна, што яна занесена ў Чырвоную кнігу як знікаючы від.
      Існуе павер'е, што падчас выгнання Адама і Евы з раю, у пакаранне іх абсыпала снегам. Калі Ева пачала плакаць ад засмучэння і холаду, Бог ператварыў шматкі снегу ў кветкі кураслепу.