Пазнацвет

     

       У Беларусі сустракаецца ў Віцебскім, Дзяржынскім , Мядзельскім , Пухавіцкім і Шумілінскім раёнах. Расце на парослых хмызняком сырых лугах.
       Цыбуліны і насенне, а ў меншай меры і кветкі дзікарослага пазнацвета асенняга выкарыстоўваюцца для медыцынскіх мэтаў, у прыватнасці, як лекі ад лейкеміі, пасляінфекцыйнага нефрыту, астмы і ракавых пухлін.
       Шырока культывуецца як дэкаратыўная расліна, характэрная сваім познім красаваннем, калі ў садах і парках ўжо амаль не застаецца яркіх квітнеючых раслін. Варта, аднак, памятаць, што ўсе часткі расліны, асабліва пашкоджаныя цыбуліны — атрутныя, і абыходзіцца з імі кветкаводам варта з асцярожнасцю, працуючы абавязкова ў пальчатках.